Лаьттанца дувзаденна зулам даьрашта, гӏулакх хьадийллар ӏаьдало
Бокъо йоацача тайпара Наьсарен кхале лаьттанца бувзабенна болх дӏабихьарашта духьала гӏулакх хьадийллар мехкарча тохкама оагӏонцарча болхлоша. РФ УК 3-ча даькъа 159 ст.(боккхача боарамга кхоачаш зулам дар) бехктокхаме озаргба цу гӏулакха бехкебараш. Из хоам журналисташка бир республикерча тохкама оагӏон зарбан болх лелабераша. Республикерча тохкама оагӏон кулгалхочо бахархой тӏаийбеча дийнахьа чуденнача дехарга гӏолла дӏаболабаьб тохкама болх.
«Тахан белгалдечох, 2023-ча шера дӏадоладаьд из харцахьара гӏулакх. Мехкахочунна Яндарера лаьттан доазув доагӏилга белгалдеш дола каьхаташ вӏаштӏехьадаьхад цу наха, бокъо йоацача тайпара. Цхьаккха бух боацаш, вӏаштӏехьадаьхача каьхаташка гӏолла, лаьттан доазон доал де йиш йолаш хилар кхалсаг», - йоах тхога бенача хоамо.
Наьсарен кхален тохкама моттиге дӏахо болх дӏахьош ба, из гӏулакх дикка тохкаш. Шоашта ловча тайпара кӏал кӏийле йоаца каьхаташ вӏаштӏехьадоахаш, из тийшаболх лелабаьраш бехктокхаме озаргба ӏаьдало.
