Сага вахар хадаш, наькъ тӏа хиннача хатарах гӏулакх хьадийллар ӏаьдало
Укх бетта 21-ча дийнахьа, сахьат даьннача хана Шолжа-Шахьарера Хьоашаланаькъан цӏерах бола урам, Люксембурга оала урам вӏашкаоттача; доккха хатар хилар. 37 шу даьннача вахархочо лоаллаш хинна «БМВ», 44 шерга кхаьча мехкахо чуваьгӏа «ВАЗ-2114» вӏашкакхийтар цу моттиге. «ВАЗ-2114» машина чу ваьгӏачун, геттара чӏоагӏа лозаваь хиларах, дарбанче вахар хаьдар, цунца хиннар Наьсарерча Берий дарбанче ӏочувигар.
«Иномарка лоаллаш ваьгӏача сага духьала РФ УК 3-ча даькъа 264 ст. (наькъашкара бокъонаш цалархӏарах, сага вахар хадаш хатар хиларах) гӏулакх хьадийллар Россе Шолжа-Шахьарерча МВД МО Тохкама оагӏон болхлоша. РФ УПК 91-ча ст. дӏалаьцав из саг полице. Цул совгӏа, РФ КоаАП 2-ча даькъа 12.37 ст. (страховани йоацаш машинаца араваларах) бехктокхаме озаргва из.
Карарча хана цӏагӏара аравала йиш йоацаш, бокъо йийхка ва из. Машинаш Россе МВД «Шолжа-Шахьар» яхача МО ӏочуйигай», - йоах «Сердалога» МВД зарбан болх лелабераша.
ӏаьдала болхлоша кхайкарал ду бахархошка массаза санна! Боккъал шортагӏа лела, наькъашкара бокъонаш лоархӏаш хила! Цхьан минота а цу хӏаман тӏара вáларо доккха хатар хьаде йиш я, уйла е шоай, шоашта гонахьарча наьха!
