Къаман ӏадатех йола спектакль юха а нахалъяккха лерхӏ
Театра, кинон, кердадарех йолча моттиго къаьнарча ӏадатех, оамалех йола спектакль гойтаргья мехкахошта. «Са син низ, са дог - гӏалгӏай гӏалаш» яхача ашарий-этнически спектаклага хьажа таро хургья мехкахой укх бетта 21, 22, 23-ча деношка берий театре. Дуккхача хьажархой дегашта езаенна йолча спектаклага юха а хьажа гулбала аьттув ба мехкахой.
«Цу балха хьалхаэттар я ЦТКиКИ кулгалхо йола Дзортанаькъан Мадина, хӏаьта режиссёр Дзейтанаькъан Рукъет я. Мехкарча культуран гӏулакхех йолча министерствос хьаллоацаш, дӏахьош ба из болх. ЦТКиКИ артисташ, мехка цӏихеза бола актёраш ба спектакла юкъе. Хьакхеллача хьаькъалга гӏолла эггара хьалха тоабаь болх ба из, спектакле ювц вай къаман къаьнара ханаш», - дийцар «Сердалога» театра, кинон гӏулакхех йолча моттига болхлоша.
Къаьнара гӏалгӏай ӏадаташ лорадеш, зоахалол дувцаш ба спектакле. Бӏаьшерашка денз хьадахьаш дола вай къаман гӏулакхаш гойта аьттув баьлар цар. Тхьоврача ханашка вай даьша вахарера лоархӏаме дола гӏулакхаш мишта леладаьд бӏаргагургда хьажархошта цу дийнахьа. Спектаклага хьажа бех мехкахой!
