Вайцига духхьашха дӀахьоргья мехкашта юкъера тхэквондох йола яхьаш
23.09.2024 21:03
ГӏалгӀай паччахьалкхен 100 шу дузаш, мехкашта юкъера тхэквондох йола, вайцига духхьашха хулаш йола яхьаш дӀахьоргья. Уж къовсамаш хургда, Йовлой Берда цӀерагӀча «Магас» оалача Наьсарерча спортивни элгаца чу тов бетта 30-ча дийнахьа.
«Сердало» газетага хоам баь ма хиллара, яхьашка дакъа лоацаш хургва СКФО, ЮФО чудоагӀача мехкашкара вена 150 спортсмен. Из кхетаче вӀашагӀйоллар я ГӏалгӀайчен тхэквондон Союз, ГӏалгӀай Республикан спорта Министерство, «Магас» оалача спорта элгацо хьал а лоацаш.
Белгалду, яхьаш дӀайолалургья 10:00 сахьат даьлча, хӀаьта лаьрххӀа хьаелларгья 14:00 сахьат даьлча.
