ӏаьдала бокъонаш лораеш хиннараш, йоккхагӏча классашкара дешархой вӏашагӏкхеташ моттиг хилар мехка
МВД ветеранаш Шолжа-Шахьарерча дешархошца къамаьл деш хилар лувжорга тӏа. Из хоам «Сердалога» бера мехкарча МВД болхлошкара.
«Республикерча МВД ветераний Кхела кулгалхочун гӏонча, балхара цӏагӏа сеца полковник вола Гӏазгиренаькъан Муса, Наьсарен кхален МВД ветераний Кхела кулгалхо, милице майор Батайнаькъан Мухьмад, иштта кхыбола ветеранаш Наьсарерча лувжорг долча фусаме Шолжа-Шахьарерча №3 йолча ишкола дешархошца кхетаче дӏахьош хилар», - йоах тхога бенача хоамо.
Лакха говзал йолча ӏаьдала болхлой, къонабарий кхетаче цхьана салоӏаш, лоархӏамедарех дувцаш дӏаяхар.
Белгалде деза, спорта моттигашкара цу тайпара кхетаченаш шоашта тӏехьа дикка пайда боаржабеш йолга. Боккхагӏчар царна хьалхадаккха дукха да, хӏаьта шоай вахара никъ цӏена, беркате дӏабахьа ловш болча къонабарий аьттув ба царгара говзал ӏомае.
