Гӏалгӏай мехка концерт лургда «Гӏаьбарто» яхача цӏихезача ансамбло
Кхоана Гӏалгӏайчен берийтеатра сцена тӏа яргья «Гӏаьбарто» яха Паччахьалкхен цӏихеза ансамбль. Из я Даькъастен халхара тоабашта юкъе къаьнарчарех цаӏ, цӏихеза, шерра йовзачарех. Цо Гӏалгӏайчен хьажархошта лургда лакхача искусствон бокъона дола цӏай. Халхара тоаба вайцига яр чудоагӏаш да «Вай-Росси» яхача Россе культуран министерства Ерригроссийски гастрольно-концертни программанна. Мехка гӏолла къамий культура йоаржаяра лаьрхӏа дӏахьош болх ба из.
«Гӏаьбарто» яха концерт дӏадахьара лаьрххӏа кийчо яьй, цунна чудоагӏа ансамбла дикагӏа дола халхараш. Вай мехкахошта гургда самукъадоаккхаш дола халхараш, иштта цхьана деш дола халхар, фата тохара говзал.
«Гӏаьбарто» яхача ансамбла гойташ йола хӏара номер цаӏ шоллагӏчоа тара йоацаш, ший къаьстта чулоацам болаш я. Тӏера гӏирс ба наьха безам тӏабодаш. Из хургда Гӏалгӏайченна дукхача ханашка дагахьа латтаргдола концерт.
«Гӏаьбарто» яхача ансамбла боккхача безамца мах боацаш цу концертага хьажа бех СВО доакъашхой, тӏема ветеранаш, заӏапхой», - аьлар из болх вӏашагӏбеллараша.
