Гӏалгӏайче 10 моттиг гучаяьккхар, экологе бокъонаш телхаеш йола
23.12.2025 11:33
Гӏалгӏай Республикан ӏалама, экологе Министерствон болхлоша гучаяьккхар экологе бокъонаш телхаеш йола 10 моттиг. Цу гӏулакха бехке ба физически, юридически нах, яхаш, дийцар «Сердало» газетага ӏалам лорадерий зарбан болх лелабераша.
«Из хьал къоастадеш, ялх гӏулакхера, йиъ юридически моттигашкара нах бехктокхаме оттабир гонахьара ӏалам лорадара Министерствон паччахьалкхен инспектораша. Царга хиланзар шоаш гонахьара ӏалам толхадарах мах луш дола каьхат», - аьлар хоамо.
Белгалду, №7-ФЗ 16.4 ст. доагӏаш ма хиллара, уж нах декхарийла ба цох мах бала. Цар гонахьарча ӏалама зе деш хиларах, мах дӏателаш дола каьхаташ царга хила дезаш да. Бокъоно дӏадех, из лорадеш цахиларах гӏод такхар, 3000 сомагара 80 000 сомага кхаччалца хилар.
