Хӏама эцаш дувлийта цхьацца гӏалаташ теркалдир вай мехка
Цхьацца хӏама эцача балхаца мехкарча паччахьалкхен кхаь моттиго кхоачамбоацараш нийсдалийталга гучадаьлар вайцигарча УФАСа.
Хӏама эцара цаӏ долча хоамий даькъа (ЕИС) оагӏонца болх дӏахьош нийсденнад уж гӏалаташ. Кхело белгалдечох, хӏама эцараша № 223-ФЗ бокъо лора ца еш, дӏабихьаб из болх. Вай мехкарча «Суда-тохкама оагӏон «Тохкама цӏерцара лаборотори» яхача федеральни паччахьалкхен моттиго цу оагӏонца чӏоагӏдаьд, кхача цхьан моттигера хьаийбе, аьнна.
«Халкъашта юкъерча «Магас» аэропорта акционерни моттиго чӏоагӏдаьд эшаш дола доагор (ГСМ) цхьаннахьара хьаийде, аьнна, цу оагӏонцара базар геттара чӏоагӏа яьржа яле а.
«Магас» яхача иллеш доахаш, халхараш деш йолча паччахьалкхен фольклорни ансамбло соцам баьб, балхаца эшаш дола гӏирсаш цхьан моттигера хьакхахьа, иштта кхаь бетта 3 млн сом ахчан бартчӏоагӏо оттае.
Кхоккхе моттига тӏадиллад кхоачамбоацараш дӏадаха, аьнна. Иштта административни оагӏонца гӏалатбаларах гӏулакх хьаделла, аьнна, каьхаташка хьожаш ба.
