ГӏалгӀайче гучадаьккхар арендах лаьтта эцача тӏаьрге нийсденна кхоачамбоацараш
ГӏалгӀай Республике гӀолла йолча Федеральни антимонопольни гӏулакх леладераша гучадаьккхар Магаса администраце оагӀорахьа, тӀаьргаш дӀахьоча хана, лаьтта арендах леладара бокъонаш лораяь цахилар, яхаш, дийцар «Сердало» газетага.
Хьалхарча аргӀагӏа комиссе белгалдир, тӀаьргаш дӀаяхьара дола каьхаташ кхоачам болаш цахилар. Уж да дехараш, ГӏР вахархо хилар гойташ дола паспорта копеш, уж кхоачам болаш дацар. Долаш долча законах, паспорта еррига оагӀонаш хила еза, из саг вовзийташ йола оагӀув а цу юкъе йолаш. Цул совгӀа цхьацца болча доакъашхоша дехар харцахьча кепара дӀачуденнад тӀаьргаш дӀаяхьара. Цунга хьежжа доацаш, шахьара кулгалхоша уж юхадаьхдац.
Цу хьалаша нийсхо йоаца моттиг хьакхеллай тӏаргашта, из духьале еш да доалахьарча хӏаман тӏагӏолла яхьаш дӏахьоча балха даькъ тӀа. Из бахьан долаш, Магаса администраце болх бокъонах ца боагӀача беса дӀабихьаб. Тӏаьргашка дакъа лоацаш хилар веррига а 13 саг, аренда юххера мах 9 - зза дукхагӀа ба, юххьанца хинначул.
