Экологически бокъонаш телхаеш, 16 кхоачамбоацар гучадаьккхар вай мехка
Экологически бокъонашца дувзаденнараш тохкаш, болх дӏахьош хилар вай мехка ӏалама гӏулакхех болча паччахьалкхен оагӏон инспектораш. Бехктокхаме озаш ба 16-зза гӏалатбаьннараш, иштта 12 юридически моттиг, паччахьалкхен балха тӏара виъ саг.
ӏалама моттигашта зе халарах луш долча ахчан декларацеш ханнахьа кийча цахилар бахьан долаш, бехкебеш ба уж. «Федеральни закона № 7- Ф3 16.4 ст. хьежжа, «ӏалама моттигаш лораярах» йолча бокъонга диллача, цу оагӏонцара ахча хӏара шерарча тушола бетта 10-гӏа ди тӏакхачале дӏадала дезаш ба уж. ӏалама моттигашта зе хиларах луш долча ахчан деклараци ханнахьа кийча хила езаш я. Из болх ханнахьа чакхбаьккха боацараш РФ КоАП 1-ча даькъа 8.5 ст. бехктокхаме озаш ба. Кхы цӏаькха иштта гӏалатбала йиш йоацилга хьалхадоаккхаш, къамаьл даьд царга», - дийцар «Сердалога» ӏалама гӏулакхех йолча министерстве.
Экологически оагӏонцара болх ханнахьа чакхбаьккха хилар лоархӏаме да. НВОС декларацега гӏолла паччахьалкхено тӏахьожам лоаттабеш гӏулакх да из. ӏалама хьал лорадарах йолча программацара массахана терко е еза болх из болга белгалдир мехка.
