Федеральни оагӏонца лохаш хинна зуламхо лаьцар вай мехка
Корта бохабеча маларах волаш, машин хехкарах лохаш хинна саг лаьцар Наьсарерча полице болхлоша. Из хоам «Сердалога» МВД бир.
«Наьсарерча Россе ОМВД оагӏон болхлошка хоам бера, Тутайнаькъан Аьсета цӏерах болча ураме латтача «Volkswagen Jetta» машина чу, ший дегӏа доалара ваьнна саг вагӏа», - аьнна, дийцар ӏаьдала болхлоша.
Дӏатӏакхаьчача ӏаьдала болхлошта бӏаргадайра, из саг сакхетам чу воацилга. Полици дӏатӏакхаьчача, цар гӏар хеза, хьакхийттав из; бакъда машина ниӏ хьаеллашехь, юха сакхетам чура ваьннав. Полице болхлоша сиха лораш хьатӏабийхаб.
Эшаш дола гӏо даь, меттавеначул тӏехьагӏа МВД ӏочувигав из саг, цига гучадаьлар из федеральни оагӏонца лохаш волга, лоалаха уллача республике, корта бохабеча маларах волаш, машин хехкаш лийннна хиларах. Лохаш хиннарашка дӏавелар из саг Наьсарерча ӏаьдала болхлоша.
