Сага урс теха зуламхо дӏалаьцар мехка
03.02.2026 11:01
Сага урс теха Соагӏапчара вахархо дӏалаьцар ӏаьдала болхлоша. Из хоам «Сердалога» бир МВД.
«2025-ча шера оагӏой бетта Магӏалбикерча дарбанчера хоам бера полице, аьрда пхьарса гола йолча урс теха 1987-ча шерара саг ӏочувоалаваьв шоаш болча, аьнна. Де дезаш дола гӏо даь, дӏахора дарба амбулаторе чакхдоаккхаргдолаш, чувахийтав лозаваьр. МВД «Магӏалбик» яхача МО тохкама тоабо дӏабихьача балхах гучадаьлар, цунна урс техар 1977-ча шерара саг волга. Корта бохабеча маларах волаш, цӏаьхха, дов ийккха даь зулам да из», - йоах тхога кхаьчача хоамо.
Зуламхо ӏаьдало ӏочувигав, ше даьча зулама дари даьд цо, цун гӏулакх тохкаш латт. Мехкара аравала йиш йоацаш, бокъо йийхкай цунна.
