Федеральни оагӏонца къоал дарах лохаш хинна саг дӏалаьцар ӏаьдало
12.07.2026 18:29
Илдарха-Гӏалий тӏарча моттигашка рейд дӏаяхьа арабаьннача ГИБДД болхлоша «Лада-211540» машин соцайир. Машин лоаллаш хиннача 22 шу даьннача вахархочунга каьхаташ хиланзар дӏахьокха. Из бахьан долаш ӏочувигар из ӏаьдала болхлоша деррига тахка.
«Тохкама болх дӏабихьачул тӏехьагӏа гучадаьлар, из Ростоверча ӏаьдала болхлоша РФ УК 1-ча даькъа 158 ст. (къоал даь), 1-ча даькъа 161 ст. (тийшача белхаца хӏамаш йихьа) лохаш волга. Лохаш барашка хоам баьб из дӏалаьцав аьнна», - дийцар «Сердалога» МВД зарбан болх лелабераша.
Массахана шоаш дӏахьош бола болх дӏабахьа арабаьннарий аьттув баьлар доккха зуламаш деш лийнна, полице лохаш хинна саг лаца.
