Республике цӏенъеш латт, бӏеха хиш дӏауха турбаш
22.06.2026 15:54
Гӏалгӏай Республикан хьал леладара Центра урхалле бӏеха хиш дӏауха моттигаш цӏенъяра болх дӏахьош я. Укх деношка, цу тайпара болх дӏабихьар Наьсарен Дошлакъий-Юртарча Албохчанаькъан урамах.
«Тӏехьарча хана, республикан бахархой латкъаш бар, бӏеха хиш дӏаухача моттиге, догӏан хишта дитача кӏоагашка нувхаш чукхувсаш хилара. Цу тайпара хьал нах раьза боацаш хиларал совгӏа, унзара а да», – аьлар ЦУРа беча хоамо.
Пластика, кхачах дисараш, совъяьнна гӏишлон материалаш хи чу тувсаш хилча, хий сиха дӏакъовлалу, из бахьан долаш коашка, наькъашка хий чудоал. Бӏеха хий дӏадохийташ йола моттиг цӏенагӏа мел хул, сихагӏа хий дӏадода, цунца цхьана хий чудалара кхерам а лохагӏа ба», – аьлар хоамо.
