Мехка дӏайолаяьча программо 2030 шерга кхаччалца, кхерамеча фусамашкарча наха кердаяраш лургья
Гӏалгӏай мехка чӏоагӏъяьй моттигера керда программа, из лаьрхӏа я къаьнара ваха кхераме фусамаш дӏаяхара. Из хаттар тахан кхоачашдеш хилар бахьан долаш, 2 155 саг таро йолаш ва шоай вахара хьалаш тоаде. Цига къаьнарча фусамех лоархӏаш я 43 эзар квадратни метр, уж лаьрххӏа тишъеннача фусамех лоархӏаш тӏаийцар 2017 шера наджгоанцхой бетта 1-ча дийнахьа, яхаш, дувц ший телеграм-канале Гӏалгӏайчен кулгалхочо Келаматанаькъан Махьмуд- Ӏаьлас
Кердача каьхато хьагойт хоадам бола адресаш, бе беза болх, уж балхаш 2030 шерга кхоачаш чакхдала дезилга. Кӏезиг-кӏезига уж арабоахаш хиларо, кхерамзле йолаш хьалъеча квартираша таро лургья из вахарца дувзаденна декхар кхоачашде.
Келаматанаькъан Махьмуд-Ӏаьлас белгалдир, хьалха цу тайпара дӏабихьача балха гуш хилар Гӏалгӏай мехка тишъеннача фусамашкара нах арабахара даькъ тӏа шозза дукхагӏа из декхар кхоачашдаь хилар. Юххьанца, мехка лаьрхӏадар 310 саг кхыча кердача фусамашка дӏачувахийта, бакъда керда квартираш дӏакхаьчар республикан 635 вахархочоа.
Юкъара дӏалаьрхӏача, наха 6 692 квадратни метр фусамаш дӏайийкъар. Хӏанз керттера республикан декхар да, керда программа кхоачашъяр.
