Техка даьлар, кӏаьнка урс тоахарца дувзаденна гӏулакх
Гӏалгӏайчен тохкамхочо йистедаьккхар Магасе кӏаьнка урс ӏоттарца дувзаденна гӏулакх. РФ УК 111 статьях бехке ву моттигера 21 шу даьнна вахархо. Цу гӏулакхах дола тешалаш СК Наьсарен кхален тохкама моттиго судага дӏалу.
«Тохкама болх дӏахьош белгалдир, 2026 шера кӏимарса бетта 8-ча дийнахьа бехкевеш волчо, Магас-Шахьара МутаIаланаькъан урамах вӏаштIара даьча цӏеной даькъ тӏа волаш; цӏаьхха, дов даларах 17 шу даьннача моттигерча вахархочун наькх тӏа, баламах шозза урс тохар. Уж човнаш хилар бахьан долаш, из дӏавигар республикански берий дарбанче, цига цунна лорий новкъостал дир», - аьлар «Сердало» газетага Гӏалгӏайчен Тохкама комитете.
Из гӏулакх тохкаш гулдир из саг бехке хилар гойташ дола тешалаш. Нахага хаттараш дир, иштта техкар дӏахо хиннар, цу дерригане хьагойт бехке вар малав.
