«Гобаккхарал доккхагӏа» яха кагирхой туркхетаче дӏайихьар мехка
«Гобаккхарал доккхагӏа» яха туристий кхетаче дӏахьош хилар Бейне. Кхаь дийнахьа лаьттача цун дешара, мехкашта юкъера бувзам, барт чӏоагӏбарах йолча, тоабанца болх дӏабахьар довзийтача кхетаченашка дакъа лоацаш хилар Къилбаседа Кавказа моттигашкара гулбенна хинна къонабараш. Лоаман хоза моттигаш, тамашийна дола ӏалам довзаш гобаьккхар цар.
«Программанна юкъе лоархӏаме моттиг дӏалоацаш дар Маьтлоам тӏа бовлар. Из атта боаца никъ бе дегӏаца дикка низ, хьинар эшилга теркалдир доакъашхоша. Россе Паччахьалкхен байракха Ди дездеш, цу лакхе массехк бесах латта боккхача мехка байракх йоаржайир цар. Карташца, GPS наькъаш хьалохаш болх дӏакхахьа ӏомалуш хилар къонабараш, иштта вӏаший доттагӏал чӏоагӏдир, керда нах байзар, лоамашта юкъе дукха ха дӏайихьар», - йоах «Сердалога» кагирхой гӏулакхех йолча комитетера кхаьчача хоамо.
Къонабарех барттайна тоаба хьаеш болх хилар цох. Цхьана керда проекташ хьакхоллаш накъадаргдола хӏамаш ӏомадир цар цига, иштта шоашта мел дайначо дог гӏоздаьккха бар уж. Хьалхалаттараша белгалдечох, кердача, боккхача наькъ тӏа хьалхара гӏа баккхар хилар цох.
