ЗаӀапхо волча бӀухочун фусам тоае лаьрхӀар
ЛаьрххӀача операце доакъашхочун, заӀапхо волча Тоачанаькъан Вахий фусам тоае лаьрхӀар. Из кхоачашде лаьрхӀар «Даьхен лорабой» ганза гӀалгӀай филиала болхлоша.
«Программанна чудоагӀаш, ганза лаьрхӀар фусам тоае а, иштта цӀагӀа эшаш дола хьалаш хьакхолла а. Тӏем тӀа волаш Тоачанаькъан Ваха кулг доацаш висар, цудухьа кердача вахара хьалашка вала везаш ва из.
Ганза вахара болхлоша Беканаькъан Мадинас, Борзенаькъан Лейлас бӀухочун цӀен бустам баьккхар, иштта белгалйир, ветарана-заӏапхочоа эшаш йола «хьаькъал дола новкъост» яха техника. Из цӀагӀара гӀулакхаш доахаш я.
Кастлуш гӏирс ӏооттабергба», - аьлар хоамо.
Белгалду, из деррига доацаш, ганза говзанчаша из вахара хьалашка ваккхара дола хьехамаш дӀахьоргда, цо таро лургья ветерана ший вахар тоаде, юкъарлон цхьа дакъа хила.
