Гӏалгӏай мехка вера Россе унахцӏенон министр Мурашко
Гӏалгӏай Республика я федеральни боарам тӏа лоархӏаме хьаьший тӏаэцара майда. Республике вера Россе унахцӏенон Министр Мурашко Михаил, унахцӏенон даькъ тӏа тӏахьожам лоаттабара долча Федеральни гӏулакха кулгалхо Самойлова Алла. Лакхача даржера хьаьший тӏаэцаш хилар республикан кулгалхо Келаматанаькъан Махьмуд-ӏаьла.
Федеральни кулгалхой республике баьхка хилар лоархӏаме да. Унахцӏенон болх дегӏабоалабар, лорий хьалаш массанега дӏакхоачаш хилар, унахошта, лорашта дика таронаш вӏашагӏйохкар керттерча декхарех цаӏ да.
Гӏалгӏайчен Кулгалхочо ше тешаш ва аьлар, балха тӏехьа дӏахьош йола кхетаченаш, инспекцеш дика накъайоалаш хиларах.
«Вай моаршалца тӏаэц Гӏалгӏайче Михаил Альбертович Мурашко, Алла Владимировна Самойлова. Со тешаш ва, уж вайцига бахкар бахьан долаш таро хургья лоархӏаме декхараш дувца, даьха толамаш довза, дӏахо цхьана вай республикера унахцӏенон даькъ тӏара болх вӏашагӏболла», - аьлар Келаматанаькъан Махьмуд-Ӏаьлас.
Уж вай республике бахкар бахьан долаш, Гӏалгӏайчен унахцӏенон даькъ тӏара хаттараш, хоадам боллаш, кхоачашде таро хургья, наха лоаттаду лорий хьалаш кхы а дикагӏа тоадергда.
