«Говзаме йоазош» яха литературан яхь дӏакхайкаяьй паччахьалкхен университете
06.02.2026 09:49
Гӏалгӏай метта декада хьатӏакхоачаш, «Говзаме йоазош» яха литературан оагӏонцара яхь дӏакхайкаяьй Гӏалгӏай паччахьалкхен университете. Наьна мотт лорабара тӏехьа кагирхой тӏаозаш болх ба из.
«Гӏалгӏай меттацара лерхӏам боккха хила безилга, цун хӏама хьаллацар лоархӏамеча декхарех долга белгалдеш я яхьаш. Иштта цига гучабоахаргба начӏал дола къонабараш. Болх гӏалгӏай меттала язбаь, наьна метта кӏоаргал йовзийташ хила беза», - дийцар «Сердалога» ИнгГУ.
«Говзаме йоазош» яхача яхьага гӏолла мел кхелла балхаш наьна метта, къаман литературан хӏама хьаллоацаш хургда. Начӏал дола къона, керда нах гучабалар доккха совгӏат да метта вахаре.
