Къаман вахаре белгалбаьннача наха баркал кхайкадеш, моттиг хилар Илдарха-Гӏалий тӏа
03.07.2026 10:08
Лакха начӏал, хьинар гойташ; тайп-тайпарча моттигашка белгалбаьннача бахархошта баркал оалаш, кхетаче дӏайихьар Илдарха-Гӏалий тӏарча мэре. Шахьара да волча Дидиганаькъан Ахьмада ше волча хьабийхар цхьацца оагӏонца доккха дакъа лоацаш, дикаш доаржадара тӏехьа къахьегаш бола нах.
Дукхача шерашка лоархӏаме декхараш кхоачашдеш, мохк лорабарца дувзаденнараш чӏоагӏдара тӏехьа къахьегаш хьавенача Ялхарой Мухьмада совгӏат делар.
Къаман вахаре геттара эшаш йолча кхетаченашшка дакъа лоацаш, юкъарча балхацара гӏулакхаш тӏехдика кхоачашдеш йолча Мамилганаькъан Марема а, иштта лоархӏаме совгӏат луш, баркал аьлар. Могаш, маьрша болаш, иразе, беркатаца баха даькъалабийцар уж шахьара дас.
