Илдарха-Гӏалий тӏарча кхаь урама хьал меттадоаладир мехка
09.09.2026 21:17
Илдарха-Гӏалий тӏарча кхаь урама хьал хувцаш баьхкар болхлой. Достоевски, Воронежски, Балкарски оалача ах километрага кхоачаш долча доазон тӏа, кхера тоссаш, дикка шаьрбир никъ. Шахьара дас Дидиганаькъан Ахьмада тӏадилла, дӏахьош болх бар из.
«Сердалога» бенача хоамах, укх тӏехьарча массехк шера шахьарера 50 урама куц хувцаш къахьийгад мехка. Дукхагӏча даькъе шахьара ганзерча ахчах, спонсораша хьаллоацаш, дӏабихьа болх ба ала деза цох.
Цигарча бахархошта дика дагадоагӏа ара тӏоадал эттача шоаш мел хала лелар. Паргӏата дӏадехьавала йиш йоацаш чӏоагӏа телхадар цу моттига хьал. Хийла унахочун оарцагӏбоагӏача лорий машин ялса нийсденнад, хӏаьта таксисташа вӏалла дӏатӏаэца тигацар цу урамашка бахкар. Тахан уж деррига кхоачамбоацараш юстардаьхад.
