Илдарха-Гӏалий тӏа новкъостал дир, дарба дезаш хиннача наха
Илдаха-Гӏалий тӏарча администраце кулгалхочун гӏончас Жандиганаькъан Азраила кулгал деш, аргӏанара вахара- гӏулакхех йолча вӏашагӏкхетар хилар. Кхетаче дӏахьош, цун доакъашхоша техкар, халача вахара хьале боахкача моттигерча бахархой 11 дехар.
«Укх наькъа мел хинна дехараш дар арахьа дарба де бахара, молхаш эцара ахчанца новкъостал дехаш. Цу 11 дехара дика жоп делар, цхьа барт болаш, царна новкъостал де лаьрхӏар. Кхелахоша къаьстта терко тӏаяхийтар Даьхен бӏухошта, цар гаргарча наха. Иштта ахчанца новкъостал даьрашта юкъе бар лаьрххӏача операце доакъашхо, цун да», - аьлар «Сердало» газетага Илдарха-Гӏалан администраце.
Вахара халонаш нийсъеннача наха массайолча оагӏорахьара новкъостал лоаттадергда, из Илдарха-Гӏалан администраце балха керттерчарех декхар да.
