Илдарха-Гӏалий тӏа «Парте десант» хьежар, Первомайски урам мишта тоабаьб
Илдарха-Гӏалий тӏа бахар «Цаӏ йола Росси» оалача «Парте десант» яхача проекта доакъашхой, шоай аргӏанарча тӏахьожама болх беш. Уж хилар Первомайски урамах болх мишта дӏахьу хьожаш. Укхаза асфальт ӏобиллара деррига балхаш даь даьннад. Уж чудоагӏаш да парте Халкъа программанна чуйоагӏаш йола «Шахьара хьалаш» яха федеральни партийни проект кхоачашъяра.
Цига дакъалоацаш хилар Илдарха-Гӏала кхела председатель Хамхой Ӏалихан, «Цаӏ йолча Россе» фракцегара депутаташ, иштта шахьара администраце болхлой. Уж хьежар кердабаьккхача наькъага, цар дийцар шахьара даькъ тӏара хьал тоадара дешаш», - аьлар «Сердало» газетага «Цаӏ йолча Россе» Гӏалгӏай моттигерча даькъе.
Первомайски урам тоабаро таро лу транспорта кхерамзлен ӏалашо е, иштта гӏашлошта дика наькъа хьалаш хьакхолла. Шахьара хьал дегӏадоаладар, наькъаш тоадар «Цаӏ йолча Россе» балха керттера да, из да Халкъа программанна чудоагӏаш.
