ЖКХ оагӏонцара декхар хьагулдеш, рейд дӏайихьар Илдарха-Гӏалий тӏа
ЖКХ оагӏонцара декхар ханнахьа дадалара нах тӏахьехаш, рейд я шахьаре дӏахьош. Осканаькъан С. цӏерах болча ураме латтача дукхача гӏатех долча цӏен бахархошца къамаьл деш хилар уж укх наькъа. Рейд дӏахьош хиннараш бар шахьара администраце болхлой, Илдарха-Гӏалий тӏарча РЭСа викалаш.
«Иштта болх дӏакхахьара керттера декхар, бахархой шоашта тӏалатта декхар, ӏоа ца деш, ханнахьа дӏалуш хилара; цу гӏулакха массахана терко лоаттаяра тӏахьер да. Тока оагӏон, ӏаьдала болхлоша къамаьл дир, декхар дӏалуш боацарашта хьалхадаьккхар, геттара халача йиста тӏа кхачале, хьаӏайна декхар дӏалуш хила, аьнна», - йоах «Сердалога» рейда юкъе хиннарашкара бенача хоамо.
Бахархошта аттагӏа хургдолаш, мобильни оагӏонца ахча дӏатӏадахьийта йиш хургйолаш, вӏаштӏехьадаьккхад мехка. Цӏагӏара арабовла ца безаш, дуккхача бетташка шоашта тӏалатта декхар дӏадала, моллагӏа хаттар дашха йиш йолаш бар квартирашкара нах.
Белгалде деза, иштта рейд дӏахьош хиларо дикка пайда белга. Шахьаре из болх, лакха терко еш, дӏахохьоргба.
