Илдарха-Гӏалий тӏарча Промыслови оалача урамерча тӏаь дикалга хьежар
Промыслови оалача шахьарерча урамах тилла тӏий миштад хьажа баха хилар шахьара Кхела доакъашхой, цу моттигера депутаташ. Из хоам «Сердалога» бир депутатий Шолжа кхален Кхело. «Парте Къаман программага гӏолла дӏахьош болча балха тӏахьожам лоаттабир Цаӏ йолча Россе Партийни десанта.
«Кхераме доаца наькъаш» яхача федеральни проекта рузкъах дӏабихьаб из лоархӏаме болх. Шахьарерча кхела кулгал деча Хамхой ӏалихана белгалдечох, беррига болх чакхбаьннаб, машинаш лела йиш йолаш да тӏий. 23 метрага кхоачаш дӏадӏаьхдаьд из, иштта 12 метр шердаьд. Кхераме доацаш, боаггӏача боараме тоадаь да из хӏанз», - дийцар тха газетага.
Белгалде деза, 70 шу хьалха хьалдаь из тӏий тоаде дезача хьале этта дикка ха хиннилга; цул совгӏа, боаггӏача боараме шера цахилирах геттара низкъала хулар дӏа-хьа ухача машинашта.
