«Россе низ» яха спортацара болам ба, Илдарха-Гӏалий тӏа дӏахьош
«Россе низ» яхача спортацарча боламга гӏолла, берригача мехка яйгача атлетиках йола яхьаш дӏайихьар тахан Илдарха-Гӏалий тӏа «Цаӏ йола Росси» яхача парте. 50, 100 метрага кхоачача боарамца шоай низ, кадай хилар гойта дезаш дар бераш.
«Цу кхетаче дакъа лоацаш бар «Цаӏ йолча Россецара» депутаташ, парте оагӏонцара хьинардараш, тӏема операце бӏухой. Футболах йола, муш дӏа-юха увзабара, турниках хьалъийлу къовсам дӏабахьа лерхӏаш ба цига ца говш», - дийцар «Сердалога» болам д1ахьош хиннараша.
Дерригача къамашта юкъера «Россе низ» яха болам хьаллоацараш, цунга гӏолла шоай низ гойта ловраш дукха ба. Укх шера пхи шу дуз из вӏашагӏ,елла. Бахархой спорта, кадай хилара тӏахьехаш болх ба из тахан. Къаьстта лоархӏаме да къонача тӏехьено из хьаллацар; цунга хьежжа, спортаца бувзам лелабе хӏаране аьттув хургболаш, къахьегаш ба мехка.
