Илдарха-Гӏалий тӏа хьожаш ба федеральни никъ тоабара балхага
«Никъ тоабара балха дикала тӏахьожам лоаттабара» йолча Къаман программа чудоагӏаш, Илдарха-Гӏалан кхела депутаташ хьожаш ба «Кавказ-Наьсаре- Магӏалбик-Л. Къаским-Терек» наькъа дикалга, яхаш, хоам бу «Сердало» газетага администраце зарбан болх лелабеча Кхорахой Мурада.
«Уж наькъаш тоадеш да федеральни программах. Цига баха хилар шахьара кхела депутаташ Овшанаькъан Ваха, Амаканаькъан Хьусен, Султиганаькъан ӏарби, иштта нах лорабара оагӏон, чоалханеча хьала отдела кулгалхо ГӀарбакханаькъан Джамбулат. 5 километр йолча даькъ тӏара беха никъ хьалбаьккхаб, цига хийцай хин турбаш, ши оаса бохийташ керда никъ ӏобиллаб, шинна а оагӏорахьа наькъа йистош чӏоагӏъяьй», - аьлар хоамо.
Тӏахьожамхоша болх дӏахьош белгалдир, керда баьккха никъ чӏоагӏа эшаш, шахьара, мехка, хӏара вахархочунна из лоархӏаме хилар, хӏаьта болх деррига технологически дӏадехараш лорадеш баьб, яхаш, хьехадир. Никъ ший хила безача боараме ба, дика хьалаш а долаш.
