Илдарха-Гӏалий тӏа гӏод тоха лаьрхӏад, ца йоагӏача нувхаш гулъярах
Илдарха-Гӏалан администраце ялх материал техкар, чӏоагӏа нувхаш ца йоагӏача дӏакхувсара хатарашца ювзаенна яр уж, яхаш, хоам бу «Сердало» газетага мэре зарбан болх лелабеча Кхорахой Мурада.
«Кхетаче дӏайихьар мэра заместитела Вешкаранаькъан Ислама кулгал деш. Дийца дош дар, хӏара дийнахьа дӏахьоча балха гучадаьнна, бокъонаш телхаяр. Из болх дӏахьош ба доал дара даькъ тӏара экологически хьал лорадара.
Кхадж тассара тӏехьа беррига зуламхой административни бехктокхаме эзар, гӏод а тохаш, цхьа эзар сомагара кхо эзар сомага кхаччалца», - аьлар хоамо.
Цунца цхьана белгалдир, цу тайпара рейдаш дӏахьош хиларо хьал аттача даьккха хилар. Нах лелаш йола юкъарлон моттигаш хӏанз цӏенагӏа хиннай.
Тхо лаьрхӏа дац сага таӏазар де, ахчанца гӏод тохаро дикагӏа пайда лу, тха керттера декхар - кӏезиг-кӏезига цхьацца бола нах кхетам чу боалабе, царна дӏахайта, шахьара урамашка нувхаш ӏокхувса йиш йоацилга», - аьлар Вешкаранаькъан Ислама.
