Магӏалбика кхален КДЦ къаман ӏадаташ, оамалаш йоаржаеш я
Магӏалбика кхален культуран Цӏагӏа, йоккха кхетаче дӏаяхьа гулбенна хилар тахан. «Гӏалгӏай къаман ӏадаташ» яхача кружока доакъашхошта юкъе къаманца дувзаденнараш гойташ йола яхьаш оттайир. Кхувш латтача къонача тӏехьен тхьовра денз- хьадахьаш дола беркате ӏадаташ, оамалаш дикагӏа дӏайовзийтара тӏехьа вӏашагӏъелла программа яр из.
«Къаман культурах лаьца долча хаттарашта жоп дала дезаш дар бераш. Иштта къаман хӏама белгалдеш йола тайп-тайпара номераш а хьекхар цар цига. Къаман иллеш оалаш, халхараш деш, гӏалгӏай цӏихезача йоазонхой байташ ешаш, гӏалгӏай ӏадаташцара цхьацца хьокхамаш де гӏертар бераш, шоай мел дола начӏал гучадаьккха», - дийцар «Сердалога» Магӏалбика кхален КДЦ.
Гӏалгӏай культуран хӏама белгалдеш дола цӏай дар ала мегаргдолаш дар цу кхетаченах. Белгалде деза, иштта йола яхьаш кхувш латтарашта юкъе дӏакхахьар пайда беш, шоай къаманцара хӏама царна довзийташ, лоархӏийташ долга.
