Наьсарерча хьалий, вахара колледже; «Тхо духьала да низ бара» яха болам дӀабихьар
Наьсарен-Шахьара хьалий, вахара колледже терроризмаца, экстремизмаца къовсам лелабара хетабаь болам дӀабихьар. Из кхетаче вӀашагӀъеллар яр ГӏалгӀай Республикан кагирхой гӀулакха йола Комитет, яхаш, дийцар «Сердало» газетага ГӏалгӀай Республикан КДМ.
«Кагирхой гӀулакха йолча Комитета говзанча волча Шоанахой Муслима дешархошца къамаьл дир терроризмах лаьца. «Тхо духьала да терроризма» яхаш яр цун цӏи. Дувца оттадаь дош дар дунен тӀара мах бараш, кхерамзле, бахархой бехктокхам. ЛаьрххӀача операце ветерана хӀара дош ший вахара говзалах чакхдаьнна хулар, цхьаннена ца ховча тайпара дика ховш да цунна маьрша долча вахара мах миштаб, цудухьа цо Ӏомабу кагирхой, нийсача наькъ тӀа уж хилар ловш.
Кагирхошта хьалхадаьккхар экстремистки гӀозара юкъеваларах хулаш дар, иштта бокъонаш лораяр, нийсхон тӀехьа хилар тахан мел лоархӀаме да», - аьлар хоамо.
«Тахан, геттара чӀоагӀа дувца дезаш да шуца, кагирхошца, къайле йоацаш, нийсхон тӀехьа. Терроризм - из доккха зулам да, цун овлаш дӏадаха деза хьалхарча аргӀагӏа шоай кортош чура, дегашкара. Вай ни з- цхьоагӀонца, Ӏадатий мах барашца, закон лорадарца ба, иштта республикан а мехка а хургдар тоаде гӀертарца», - аьлар Шоанахой Муслима.
