Маьтсела бутт чакхбоалаш, «Ший низ» яхача проекта доакъашхошта дипломаш лургда
Маьтсела бетта 27-28 деношка вай республике дӏахьоргья «Ший низ» яхача проекта доакъашхошта дипломаш далара хьалхара кхетаче, аьлар «Сердало» газетага ГӏР Кулгалхочун зарбан болх лелабераша.
«Из вай республикан лоархӏаме да. Цига хургва 400 гаргга хьаьша, цу юкъе проект хьакхеллараш, Россе Президента Администраце, «Даьхен лорабой» ганза викалаш, иштта Гӏалгӏайчера СВО бейнача бӏухой дезал», - аьлар республикан кулгалхочо Келаматанаькъан Махьмуд-ӏаьлас.
Белгалду, из проект дӏахьош я, 2024 шера денз. Цун керттера маӏан- лаьрххӏача тӏема операце доакъашхошта, бӏухой дезалашта новкъостал дар. Уж ӏомабу хьалхашка нийслуш йола халонаш тӏехьайита, психологически лазарал котбала, дегӏацара хьам балар (стресс) дӏадаккха, иштта ӏомабу дезала юкъе шоайла терко лоаттае.
2026 шера уж дипломаш лургда Гӏалгӏайчен 10 викала, юкъара хьаийцача Российски Федераце 55 моттиге из проект кхоачашъеш я. Гӏалгӏайче дӏахьош йола кхетаче хьалхара я.
«Хьалха аз ма аллара, цӏен-да, воӏ, воша мохк лорабеш латте; эггара халагӏа да цӏагӏа висачоа. «Ший низ» яха проект цу наха таро луш я халача ханашка шоайла хьаллацара, халонаш тӏехьайитара», - аьлар Махьмуд-ӏаьлас.
Республикан ӏаьдало дӏахо а хьаллоацаргья цу тайпара проект.
