ГӏалгӀайчен эггара йоккхагӀа йолча юрта, боахамий гӏишлошка хьежар
Эккажкъонгий-Юртарча боахамий гӏишлошка, лаьтташка хьежар, яхаш, хоам бу «Сердало» газетага Наьсарен-кхален администраце.
«Кхален администраце болхлоша, шоашта керте доал дара даькъ тӀара кулгалхо Исмейланаькъан Темарлан а волаш, из кхетаче дӀайихьар. Цун керттера бахьан дар бокъо луш дола каьхаташ дий хьажар гӏишлоний а лаьттай а даьшка», - аьлар хоамо.
Моттигашка хьожаш, балха тоаба яхар даькъ тӀарча мах беш йолча фусамашка. Цига цхьацца дола кхоачамбоацар гучадаьлар, из дар мах бе бокъо луш дола каьхаташ цахилар. Цул совгӀа, белгалдаьлар боахамаш, лаьтташ хьатӀаяздаь бокъо йоацаш хилар.
Хьехама болх дӀахьош, наха хьалхадаьккхар, кхы ха ца йоаеш, юкъе нийслуш дола кхоачамбоацараш дӀадаха дезилга, йилла ха чакхъялале.
Наьсарен кхален администраце даим цу тайпара балхаш дӀахьу; лаьтташ леладара, мах бара даькъ тӀара бокъонаш телхаергйоацаш, шоай ханнахьа йоалах дола декхар дӏалучар бокъонаш чӀоагӀъяра, наха дика хьалаш лоаттадара.
