ГӀалгӀай меттала даьккха «Кунг-фу Панда» яха мультфильм хьекхар «Аьрзи» яхача лагере
11.07.2025 10:33
«Малашб цаховраш» яхача гӀо деча проекта доакъашхоша «Кунг-фу Панда» яха, гӀалгӀай меттала даьккха мультфильм хьекхар, «Аьрзи» лагере салоӀаш долча берашта. Из хоам «Сердалога» бир цу моттигера.
«ГӀалгӀай метталара мультфильмаш эггара хьалха гуш дар цхьадола бераш. ЧӀоагӀа гӀоздаьнна, цу гӀулакхах тоам хинна долга гуш дар, берашта бӀарахьежача. Берий дегаш хьаста ЖӀайрахьа баьхкабар «Малашб цаховраш» яхача проекте болх дӀахьош бола Хамхой Ӏалихан, Яражанаькъан Адам», - дийцар тха газетага.
Иштта къонача аьрзелгашта юкъе дӀайихьар викторина, нийса жоп денначунна совгӀат луш, хоза дӀадахар из гӀулакх.
