ӏаьлий-Юртарча лицее «Вахарга баьккха 10 000 гӏа» яха болам дӏабихьар
Дерригача дунен унахцӏенон Ден хетабаь «Вахарга баьккха 10 000 гӏа» яха болам дӏабихьар ӏаьлий-Юртарча № 1 йолча лицее. «Сердалога» из хоам бир «Хьалхарчар болам» яхача оагӏон доакъашхоша.
Наьсарен кхален администраце дӏахьош дар из гӏулакх Хьалхарбарашца. Лоархӏаме хьаьший болаш цу кхетаче дакъа лоацаш бар ММА латархо Хьулахой Юсуф, панкратионах вола Россе чемпион Меданаькъан Мухьмад-ӏаьла.
Бераша санна, юртарча бахархоша а хьаллоацаш дика хилар цох. Бӏарчча программа яр ФОКа кийчъяьр. Цу юкъе дар «Хӏама зер»- тоабанца бургац дӏа-хьа телар; «Дега гарт»-тӏӏиргах тувсавалар, «Кадай хилар доттагӏалца» - дегӏаца гӏоз кхестабар, «Дега ритм» - могашала массахана терко лоаттае езилга белгалдеш, ФАПа болхлоша артериальни цӏий, синпха бусташ йола лорий моттиг.
Тоабаша дика дӏадихьар шоай гӏулакх, царна грамоташ луш чакхбаьлар из болх.
