Гӏалгӏай мехка, 2026-ча шера маьтсела бетта, лоархӏаме никъ тоабергба
14.01.2026 14:36
Республике 2026 шера маьтсела бетта машиний никъ тоабе лаьрхӏад, из ба Долакха-Юрт, Гӏайрбика-Юрт хотташ, яхаш, дийцар «Сердало» газетага республикан Кулгалхочун зарбан болх лелабераша.
«Итт шера цига хиннаб тӏоникъ, из а тоабе беза дукха ха яр. Хӏанз хьалхара тоабеш ба из. Сога дукха дехар дир, из никъ тоабе, яхаш. Бакъда маьтсела бетта Наьсарен, Магӏалбика кхалений бахархой гӏадбугаргба из никъ тоабаь баларца. Никъ дикал йолаш ӏобулларгхиларах шеко яц, хӏана аьлча из цар хьалхара беш болх бац», - аьлар Келаматанаькъан Махьмуд-ӏаьлас, министерствон балха мах оттабеш.
Белгалду, из никъ тоабе болабир дӏадахача шера лайчилла бетта. Говзанчаша, болхлоша дика къахьийгад 8 километр бӏаьха болча наькъа даькъ тӏа.
