Робототехниках говзанча хьехамаш дир Магасе СВО доакъашхой берашта
28.01.2026 11:14
Тӏема операце доакъашхой берашта лаьрхӏа гойтама болх дӏабихьар, Магасерча «Кванториум» яхача берий технопарке. Из хоам «Сердалога» бир цу моттигера.
«LEGO EV3-ца дӏахьош бар болх. Датчикашка гӏолла къахьийга, духьала нийсденнараш довза, царех юстарйовла роботашта ховргдолаш болх хьаоттабир цига. Кердача технологешца дувзаденнараш дайзар берашта эггара хьалха. Программированех, иштта кхыдарех йолча говзала никъ боаржабир царна хьалхашка цу дийнахьа», - йоах тхога цигара бенача хоамо.
«Кванториума» хьехархоша белгалдир, ишттача кхетаченаша берашта инженерно-технически оагӏонца дувзаденнараш довзийтилга, иштта бӏухой берий оагӏув хьаллацарца а пайда беш да из.
