Наькъашка чӏоагӏа фийла долаш, лоралуш хила дезилга хьалхадаьккхар берашта Магасерча полице
Магасерча берашца, цар даьшца-ноаношца къамаьл деш, наькъашка лоралуш хилар чӏоагӏа лоархӏаме долга хьалхадоаккхаш хилар полице болхлой. Бераша наькъашкара бокъонаш лораергйолаш, дӏакхухьаш болх ба из тахан ерригача шахьарашка.
«Къаьстта терко еш, дийцар ГИБДД болхлоша наькъашка велосипедаш, самокаташ хехкаш леларех. Берашта хьалхадаьккхар, наькъа юкъегӏолла дӏатӏехдоалача хана, тӏера ӏодаьнна, гӏаш даха дезилга. Ара баьдъелча; тӏадувхача барзкъах, тӏормигах машин лоаллаш вагӏачо гаьннара зувргдолаш цхьа къегаш хӏама яллар лоархӏаме да.
Ишколе баха беза ха хьаэттай берашта, цунга хьежжа, бераш наькъашка дукхагӏа хургдолга кхетадеш, геттара фийла хила беза водителаш», - дийцар «Сердалога» из кхетаче дӏахьош хиннараша. Машинаш лелача наькъаш тӏа ловзаш дола гӏулакх дита дезилгах дийцар берашка. Наькъашкара бокъонаш йовзийташ дола каьхаташ дӏадийкъар царна ГИБДД болхлоша.
