Магасе дийцар экстремизма духьала къовсам лоаттабеча СМИ балхах
Магас-Шахьара кагирхой цхьанкхетарий Цӏагӏа, бекарга бетта 2-ча дийнахьа хилар, «Экстремизма, терроризма духьала къовсам лоаттабара темах зарбан болх лелабеча викалий, Гӏалгай Республикан СМИ» семинар.
Из йоккха кхетаче дӏахьош дакъа лоацаш бар МВД, Погранични урхаллен, ӏаьдала моттигий, ФСБ, тайп-тайпарча боахамий, доал дара даькъ тӏара викалаш, журналисташ.
Цига къамаьл деш хилар ГӏР арахьарча бувзама, къаман политикан, зарбан, хоамий Минисетрствон кулгалхо Мизенаькъан Руслан, цу министерствос вӏашагӏбелла, дӏахьош бар из болх.
Къамаьл деш, тайп-тайпарча боахамий викалаша дийцар тахан латташ дола терроризма, экстремизма духьала къовсам лоаттабара хьал, вай мехкаца моастагӏал долча кхыча паччахьалкхенаша духьалдоахаш дола бувзамашка гӏолла лела зуламаш, кхыйола технически таронаш.
Хоадам болаш, тахан цу даькъ тӏара хьал вай мехка мишта латт дийцар, хӏара денна цу гӏулакха духьала къахьегаш хилар а белгалдир.
Дийцача хаттарашта юкъе дар - киберкхерамзленца къовсам лоаттабар, арахьара хьачудоахаш дола, вай кагий нах тувлбеш дола гӏулакхаш. Дукхагӏа терко тӏаяхийтар семинаре хӏаране ше-шийна бакъахьа хетар юкъедоаладеш къамаьл дара. Иштта ладувгӏаш хиннарашта дайзар къаман проекташ кхоачашъяра гӏулакх тахан дӏахьош бола болх малагӏча даькъ тӏа латт; СМИ, зарбан болх лелаберашта хьалхашка оттадаьча декхарех, шоашта хетар аьлар психологаша.
Кердабаккха лаьрхӏар журналисташца цхьана дӏахьош бола болх. Паччахьалкхен, юкъарлон моттигашка, терроризма, экстремизма духьала къовсам лоаттабара болх дика дӏабахьара; хоамашца ӏалашо е еза аьнна лаьрхӏар.
