Бийсан хьинар айду малар дохкаргдоацаш, болх дӏахьош ба Магасе
Магасе рейд дӏаяхьа арабаьлар шахьара Кхела депутаташ, администраце болхлой. Из хоам «Сердалога» бир мэре. «Рейд дӏаяхьара керттера декхар - хӏама йохкача моттигашкарча нахага 2025-ча шерарча оагӏой бетта 25-ча дийнахьа денз, хьинар айду оала малар дохка йиш йоаца ха къоастаеш бокъо оттаяьлга хьалхадаккхар.
Республике оттаяьча чӏоагӏонга диллача, бийсан итт сахьатагара бархӏ сахьат даллалца йолча хана, мехкарча моттигий энергетикаш яха малар дохка бокъо яц. Шахьарерча тикашка гӏолла, из белгалдеш чакхбаьлар депутаташ», - йоах тхога бенача хоамо. Хӏама йохкарашта хьалхадаьккхар, из бокъо лораеш боацарашта гӏод тохаргдолга.
«Из болх дӏабахьара керттера бахьан вай къонача тӏехьен дегӏа хьал лорадарца дувзаденна да. Бийсан из тайпара малар дохка бокъо яц, тхо цу гӏулакха дикка тӏахьожам лоаттабеш а хургда», - аьлар Горсовета депутат волча Дарсиганаькъан Хаваж-Бахьаудина. Тахан кагирхой шоай унахцӏено лораеш, дегӏа зе деча хӏамах къахкаш хилара тӏехьа болх лоаттабеш хила деза вай.
