Мехкара хьал бокъонга хьежжа хилийтарах дувцаш, кхетаче хилар Магасе
Республикера бокъоний оагӏонцара хьал боаггӏача боараме хилийтарах дувцаш йола кхетаче дӏайихьар вай мехкадас Келаматанаькъан Махьмуд-ӏаьлас. Из хоам «Сердалога» бера мехкадаь зарбан болх лелаберашкара. Кхетаче гулбеннабар МВД, тӏахьожама оагӏонцара болхлой, муниципальни хьакимаш, иштта кхыбола ӏаьдала болхлой.
Вӏашагӏкхетаре дийцар экономически оагӏонцарча зуламах, кхааш ийдара духьала болх лоаттабе безилга; иштта федеральни, къаман проекташ йоаржаяра тӏахьожам лоаттабе безилга», - белгалдир вай Мехкадас. Цо теркалдир, кхерамзлен хьал лорадара тӏехьа, моллагӏа кхоачамбоацараш нийсдалара тӏехьа сиха оарцагӏбоалаш, мехкара хьал бокъонашка хьежжа хилийтара тӏехьа ӏаьдала болхлоша къахьега дезилга.
Иштта цига дийцар 2026-ча шера Координационни кхетачен проектаца дувзаденнарех.
