СВО доакъашхой дезалашца кхетаче дӏайихьар Магасе
Тӏема операцена юкъе вахар хаьдача бӏухой дезалашца, кхетаче дӏайихьар Магаса мэр волча Тиймарзанаькъан Мусас. Из хоам «Сердалога» бир цу моттигера.
«Цу кхетаче дакъа лоацаш бар унахцӏенон гӏулакхех йолча министерствон болхлой, «Даьхен лорабой» яхача ганза доакъашхой. Тайп-тайпарча оагӏонцарча кхоачамбоацарех дийцар цига», - йоах тхога бенача хоамо.
Янданаькъан Лейлас дехар дир; тӏема аренашка де доацаш вайна ший воӏ хьалохаш гӏо де, аьнна. Ганза доакъашхошца дӏахьоргба из болх шахьарерча хьакимаша.
Тӏем тӏа вахар хаьдача бӏухочун Кӏаценаькъан Урусхана цӏен-нана леткъар, цӏен-да дӏаваларах дола ахча, хьа ца луш, гоадеш да шийна, аьнна. Цунна дола бахьан а тохкаргда ганза болхлоша.
Иштта Даьхе лораеча наькъ тӏа вахар хаьдача Евкуранаькъан Мухьмада цӏен-нанна Евкуранаькъан Эльвирайна гӏо дарах дийцар цига. Шахьара дас белгалдир, массадолча дехарех боаггӏача боараме болх дӏахьоргхилар.
