Магасе хьежар ловзарий клубашка, кхувш боагӏарий оамалашка
10.04.2026 13:57
Кхувш боагӏарий гӏулакхех, цар бокъонех йолча кхело, Магасе гӏолла йолча МВД ПДН отдела инспекторца дӏабихьар ловзарий клубашка хьажара хьехама болх, яхаш, диийцар, «Сердало» газетага мэре.
«Из болх дӏахьош ба кхувш боагӏарашта тӏахьожам лоаттабара хьал тоадара, цар бокъонаш лораяра.
Массехк шахьар тӏарча ловзарий клубашкара хьалаш техкар. Къаьстта ӏуйрийна, сайрийна бераш ишколе е кхыча дешара моттигашка хила дезача хана, дӏахьош долча цар гӏулакхашта терко тӏаяхийтар», - аьлар хоамо.
Рейдаш дӏахьош гучаваьлар кхоъ дешархо – дешар юкъахдутараш. Цар даьшца хьехама болх дӏабихьар.
Иштта цу моттига кулгалхошта хьалхадаьккхар, дешархой ишколашка е кхыча дешара моттигашка хила безача хана, уж клубашка багӏа йиш йоацилга.
