Магасерча цӀеношкара газа гӀирсаш миштад хьожаш ба
ГӏалгӀайчен Магасе, хьалхагӀа лаьрхӀа ма хилара, газа гӏулакха болхлой хьожаш ба цӀеношка газа гӀирсаш нийса леладой, яхаш, дувц «Сердало» газетага мэре.
«Шахьара кулгалхочун декхараш кхоачашдеш волча Тиймарзанаькъан Мусас ма аллара, Магаса мэре граждански оборона, чоалханеча гӀулакха отдела кулгалхочунца Хьулахой Мухьмадаца, эксперташца цхьана, иштта «Газпрома», ВДГО, МЧСа викалаша дакъа а лоацаш, хьежар газа гӀирсаш доагӀача беса нийса леладой, цӀи ялара кхерамзле лорайой», - аьлар хоамо.
Цу тайпара кхетаченаш дӀаяхьара керте латтар да наьха кхерамзле лораяр. Ший ханнахьа газ хьаухийташ йола моттиг гучаяккхар – унзарча хьалах лоравар. Из хургдоацаш, нахаца кхетам балара болх дӀахьу.
Профилактика яра болх дӀахьош, говзанчаш хьож кӀур ухача тунгилгашка, мух кхетара оагӀонашка, газа гӀирсашка.
