Магасе тохк йийлла латтача гӏувний, цар тӏа доацача ногӏарий дош
Магаса мэрега каст-каста дехар ду бахархоша, арара кӏоагаш дӏа ца къовлаш ма дита, яхаш, хӏана аьлча бераш цу чу ӏочулегар кхерам болаш да. Из хоам «Сердало» газетага бир доал деча даькъ тӏарча администраце.
«Шахьара ӏаьдало сиха теркалду цу тайпара хаттараш. Бакъда лоархӏаме да теркалдар иштта, кӏоагаш тӏара кепаш лечкъаеш хилар», - йоах хоамо.
Цунца цхьана бахархошка кхайкарал ду, цу тайпара хӏама ма леладе, из чӏоагӏа унзара да сага могашала а вахара а, яхаш. Иштта кхераме да цу кӏоаг чу бежан е бер чудожар. Белгалду, дукха шераш хьалха кӏоагаш тӏара кепаш лечкъаеш дола хьал каст-каста нийслора, уж дӏачулора тиша аьшк гулдеча моттиге. Цул тӏехьагӏа хьамча кепаш араяьлар, къоал дара хьал а лаьгӏделар, бакъда хӏанз а цу тайпара моттиг нийслуш я.
