Магасе ӏомабу мохк бовзийтараш, хьаьший тӏаийбераш
21.04.2026 16:01
«Кхаь оагӏорахьара бувзама кеп ООПТ-ӏилма-Волонтёраш» яхача грантови проекта чудоагӏаш, Гӏалгӏай Республикан лоӏамхой тароний центре дӏаболабелар мохк бовзийтараш ӏомабе.
«Проект кхоачашъеш я ӏалама ганза Президента хьаллоацаш. «Мохк бовзийтарий балха даькъ тӏа туризм йовзара, экологически хьал ӏомадара» балха говзал лакхъяра чудоагӏаш да туризм кӏоаргагӏа ӏомаяр, ӏалама, историко-культуран моттигера тӏехьале, иштта ӏалам дикагӏа довзар, из болх бечарна кхерамзле хилар. Из гӏулакх накъадоалаш хила деза экологически туризм дегӏайоалаяра, иштта дика говзанчаш кийчбара, цар дӏахо Гӏалгӏайчен мах бола тӏехьале йовзийташ туристашцара болх болх дика дӏахьоргболаш», - аьлар республикерча волонтёрий тароний моттиго.
