Магасе совгӏаташ делар, «Почтеи фронти» яхача берий дикагӏча сурташта
Гӏалгӏай Республикан почта бувзама Федеральни урхаллене «Почтеи фронти» яха суртий яхь дӏайихьар, из дикагӏа диллачарна совгӏаташ а луш. Цу тайпара хоам «Сердало» газетага бир цу моттигера.
Берий кхоллам белгалбир дагалоаттама дипломашца, мах болча совгӏаташца. Совгӏаташ далара оагӏув дӏахьош вар УФПС кулгалхо Гаьгенаькъан Ислам. Цига котъяьлар Хьаьшанаькъан Саида. Шоллагӏча моттиге яр Кхузанаькъан Лана. Албохчанаькъан Хьавайна кхоалагӏча моттига диплом делар.
Укх наькъа почтан болхлой бераш гулделар из кхетаче йолча. Яхь дӏахьош яр; суртанчас-сценографа, Магас-Шахьара культуран дегӏаахара Центра «Кӏаьда дуне» яхача кружока кулгалхочо Цисканаькъан Тамарас хьаллоацаш. Кхелахошта чубоагӏаш бар Гӏалгӏай Республикан УФПСа кулгалхой викалаш.
«Яхь вӏашагӏъеллай профсоюза, тхоца бувзам лелабераша хьаллоацаш. Из вай Даьхенцара безам совбаккхара дечун цхьа дакъа да. Берий суртех турпалхошта дийна дагалоаттам хул, царга гӏолла ба ноахалий бувзам а», - аьлар Гаьгенаькъан Ислама.
