Магасе дийцар роботаша беш бола болх вӏашагӏболларах
«Кхетам» яхача Российски юкъарлоно вӏашагӏъеллача кхетачене, Гӏалгӏайчен кагирхоша дийцар роботашца беча балхаца дувзаденна дешаш, яхаш, дийцар «Сердало» газетага ГӏР кагирхой Комитета болхлочо Озанаькъан Салмана.
«Хьаьша волаш цига къамаьл дир Гӏалгӏай Республикан лоӏамхой тароний центра кулгалхочун гӏончас Ӏарчакханаькъан Саӏида, цо довзийтар вӏашагӏтехача технологей хьалаш, балха моттигаш. Цул совгӏа доакъашхошта хьалхадаьккхар, малагӏа дакъа дӏалоацаш я «Росатом» из гӏулакх дегӏадоаладара даькъ тӏа.
Къаьстта терко тӏаяхийтар промышленноста тайп-тайпарча доакъошта цу тайпара хьал юкъедаккхара. Гулбеннарашта дийцар цу технологеша болх аттача боаккхаш хиларах, дика къахьегама хьалаш хьакхоллаш хиларах», - аьлар хоамо.
Дӏахо дийцар хӏама кхоллара оагӏув юкъеяккхарах, цу юкъе атома даькъ тӏа болх беча предприятей говзал а йолаш.
Лекце доакъашхоша шерйир шоай таронаш таханара технологеш юкъеяхара даькъе, иштта терко тӏаяхийтар инженерни, технически оагӏоний хургдолчунна.
