Мехкарча Паччахьалкхен Россе Почтацарча бувзамах дийцар Магасе
Мехкарча Паччахьалкхен Россе Почтацарча бувзамах дувцаш, кхетаче дӏайихьар Паччахьалкхен хьалха латтача Сластенин Владимира. Кхетаче дакъа лоацаш бар «Къилбаседа Кавказа» АО «Россе Почта» яхача оагӏон кулгалду Плотников Александр, иштта вай республикерча Федеральни почтови бувзама Оагӏон кулгалхо Гаьгенаькъан Ислам.
«Россе Почтаца дувзаденна дола гӏулакхаш бахархошта ма хулла аттагӏа деш юкъедаха дезача кердадарех дийцар гулбеннача хьакимаш. Къаьстта терко еш дийцар «Сердало», «Гӏалгӏайче» яха моттигера газеташ ийдераш дукхагӏа хилийтарах, къахьегамах, вахара оагӏонцарча гӏулакхех йолча министерствоца, ГКУ «Кхераме йоаца республика» яхача моттигаца, ТКО ООО «Эколайф» оагӏонцарча региональни операторца бувзам лоаттабарах. Иштта цига дийцар Россе Почта йоалацарча оагӏонца цхьацца хӏама хьожадарах, из бахьан долаш тоае езача моттигашка къахьега аьттув баларах».
«Россе Почто вай бахархошта эшаш дола гӏулакх лоаттаду, цу юкъе я геттара гаьна яда юрташ а. Республикера почтови бувзама хьал ма хулла тоадара тӏехьа эшаш дола гӏо де, оагӏув хьаллаца кийча да тхо тахан.
Тхона лоархӏаме да, бахархой вахаре цу оагӏонца дувзаденна цхьаккха кхоачамбоацараш цахилийтар», - белгалдир Сластенин Владимира. Лаьрхӏа йола проекташ йоаржаеш, почта болх боаггӏача боараме тоабеш, вӏаший бувзам лоаттабеш къахьега лаьрхӏа дӏа-хьа къаьстар хьакимаш.
