Республикан къонача суртанчий яхь хилар Магасе
Магасерча спорта сийлен аллеях кхоллама йоккха пхьоалле хьахилар цхьан дийнахьа. Россе къамаш цхьанкхетара Шера хетаяь берий исбахьален ишколашкарча, кхоллама ишколашкарча дешархошта юкъе яхьаш дӏахьош бар цига. 12 шергара 18 шерга кхаччалца бола къона суртанчаш бар цу юкъе дакъа лоацаш хиннараш.
«Шин даькъах латташ яр яхьаш. Эггара хьалхагӏа хоржама болх бар, тӏаккха толашагӏа дола балхаш гойташ хилар. Культуран гӏулакхех йолча министерствон кулгалхочун гӏонча йолча Куртойнаькъан Маккас белгалдир, культуран хӏама лакхдара тӏехьа иштта йола яхьаш эшаш йолга.
ДШИ дешархоша дакъа лоацаш йола концерта программа яр цига кийчъяь. Къонача суртанчашка хьажа аьттув бар массане. Къаьстта йоккха терко тӏаозаш бар тӏема операцена хетабаь гойтам. Даьхенцара безам, яхь, денал хилар шоай балхашка гӏолла шоашта мишта гу хьахьекхар начӏал дараша», - дийцар «Сердалога» цу моттигера.
Кхаь тоабанна бийкъабар дакъа лоацараш. Цар балхашка хьожаш хиннараш бар цу оагӏонца кӏоарга говзал йола суртанчаш. Хӏаране уйла, нигат довзийташ яхьаш хилар царех, ала лов тахан.
